Жел мониторингі

MAINGRID компаниялар тобы желді өлшеу кампанияларын жүргізумен және жел өлшегіш діңгектерді (бұдан әрі — діңгек) орнатумен айналысады.

Жел мониторингі дегеніміз не?

Жел мониторингі — қарастырылып отырған жердегі желдің сипаттамаларын (бағыты, жылдамдығы, турбуленттілігі және т. б.) өлшеу процесі. Жел мониторингінің басты міндеті — жел турбиналарынан алынатын электр энергиясының өндірісін кейіннен есептеу үшін жел әлеуетін анықтау.

Желді өлшеу кампаниясы қалай жүргізіледі?

Желді өлшеу кампаниясы аясында биіктігі 100-ден 120 метрге дейінгі діңгек орнатылады. Діңгекке желдің жылдамдығын (анемометрлер), желдің бағытын (флюгерлер), температураны, ылғалдылықты және қысымды өлшейтін метеорологиялық датчиктер орналастырылады. Өлшеулер 12 ай және одан да ұзақ уақыт бойы жүргізіледі.

Қорытынды

Жиналған деректер аккредиттелген ұйымдардың талдау жүргізуі және қорытынды есеп дайындауы үшін қажет. Есепте қарастырылып отырған өңір және оның электр энергиясын өндіру әлеуеті туралы ақпарат беріледі. Бұл есеп кейіннен жел электр станциясы жобасын жүзеге асыруға инвесторларды тарту үшін пайдаланылады.